- పాకలగూడెం సర్కార్ స్కూల్లో ఎమ్మెల్యే జారే ఆదినారాయణ ఆవేదన..!
- అక్షరం రాని బతుకులు.. అందకారంలో పిల్లల భవిష్యత్తు…
- ఐదో తరగతికొచ్చినా.. ” అ ఆ” లు రావా
- ఉపాధ్యాయులపై ఎమ్మెల్యే ఫైర్..
- క్లాస్ రూమ్ నుంచే డీఈవోకు ఫోన్…కఠిన చర్యలకు ఆదేశం
దమ్మపేట, ఆగస్టు 7(సింగిడి): Govt School పిల్లల ప్రతిభ ఎలా ఉందో తెలుసుకుందామని వెళ్లిన అశ్వారావుపేట శాసనసభ్యులు జారె ఆదినారాయణ కు అక్కడ ఊహించని షాక్ తగిలింది. ఐదో తరగతికి వచ్చినా కనీసం ‘అ.. ఆ’లు కూడా రాని పిల్లల దీనస్థితిని చూసి ఆయన మనసు కలచివేసింది. విద్యాబుద్ధులు నేర్పాల్సిన గురువుల నిర్లక్ష్యంపై నిప్పులు చెరిగిన ఆ ఎమ్మెల్యే, స్పాట్ నుంచే జిల్లా అధికారికి ఫోన్ చేసి కఠిన చర్యలకు ఆదేశించారు. భద్రాద్రి కొత్తగూడెం జిల్లా దమ్మపేట మండలంలోని పాకలగూడెం ప్రభుత్వ పాఠశాలలో శుక్రవారం జరిగిన ఈ సంచలన ఘటనకు సంబంధించిన పూర్తి వివరాలు ఒక కథనం రూపంలో..
పిల్లల టాలెంట్ చూద్దామని Govt Schoolకి వెళ్తే..
అశ్వారావుపేట నియోజకవర్గ ఎమ్మెల్యే జారే ఆదినారాయణ శుక్రవారం దమ్మపేట మండలంలో పర్యటించారు. ఇందులో భాగంగా పాకలగూడెం ప్రభుత్వ పాఠశాలను ఆయన సందర్శించారు. క్లాస్ రూమ్లోకి అడుగుపెట్టి, ఎంతో ఆప్యాయంగా పిల్లల దగ్గరకు వెళ్లారు. వారి సాధారణ జ్ఞానాన్ని, చదువును పరీక్షించేందుకు నల్లబల్ల (బ్లాక్ బోర్డ్) పై కొన్ని అక్షరాలు రాశారు. “పిల్లలూ.. బోర్డు మీద ఏముందో చదవండి చూద్దాం” అని ఎమ్మెల్యే అడగ్గా, క్లాస్ రూమ్లో ఒక్కసారిగా నిశ్శబ్దం ఆవరించింది.అక్షరాలు రాని ఐదో తరగతి విద్యార్థులు బోర్డు వైపు చూస్తున్న విద్యార్థులు ఆ అక్షరాలను కనీసం గుర్తుపట్టలేకపోయారు. విస్తుపోయిన ఎమ్మెల్యే.. ఐదో తరగతి చదువుతున్న పిల్లలను పిలిచి కనీసం ‘అ, ఆ’ లు చదవమని అడిగారు. కానీ, ఆ ఐదో తరగతి పిల్లలు కూడా పూర్తిస్థాయిలో అక్షరాలు చెప్పలేక దిక్కులు చూడటంతో ఎమ్మెల్యే ఆదినారాయణ ఒక్కసారిగా అవాక్కయ్యారు. పిల్లల భవిష్యత్తు ఇలా తయారవుతోందా అని ఆయన తీవ్ర దిగ్భ్రాంతికి, ఆందోళనకు గురయ్యారు.
Join Our WhatsApp Channel: https://whatsapp.com/channel/0029Vb8cjPLDuMRe4oW2W02i
మీరు ఏం నేర్పుతున్నారు? Govt School ఉపాధ్యాయులపై ఎమ్మెల్యే ఫైర్!
పిల్లల విద్యా ప్రమాణాలు ఇంత దారుణంగా ఉండటంతో ఎమ్మెల్యే ఆగ్రహం కట్టలు తెంచుకుంది. అక్కడే ఉన్న ఉపాధ్యాయులను పిలిచి తీవ్రస్థాయిలో మండిపడ్డారు. “నేను ఎమ్మెల్యేగా వచ్చి రెండేళ్లు అవుతోంది. ఈ రెండేళ్లలో మీరు పిల్లలకు కనీసం ప్రాథమిక అక్షరాలు కూడా నేర్పించలేకపోయారా? మీరేం చదువు నేర్పుతున్నారు?” అంటూ నిలదీశారు. ఐదో తరగతిలోనే అక్షరాలు రాకపోతే, రేపు వీరు ఆరో తరగతికి వెళ్లి పైచదువులు ఏం చదువుతారని, వీరి భవిష్యత్తు ఏమవ్వాలని టీచర్లపై నిప్పులు చెరిగారు.
సర్కారు బడి.. ఇదేం ఒరవడి
నాలుగో తరగతికొచ్చినా ‘అ ఆ’లు రాయడం రాదా?.. టీచర్ పై ఫైర్ అయిన అశ్వరావుపేట ఎమ్మెల్యే జారె ఆదినారాయణ.. దమ్మగూడెం (మం) పాలకగూడెం ప్రభుత్వ పాఠశాలలో ఘటన#govtschool @AdinarayanaJare @TelanganaCMO #singidi #godmorningsaturday pic.twitter.com/iggyYeyNyp
— Singidi Telugu Daily News (@SingidiNews2026) August 8, 2026
క్లాస్ రూమ్ నుంచే డీఈవోకు ఫోన్.. కఠిన ఆదేశాలు!
ఉపాధ్యాయుల నిర్లక్ష్యపూరిత వైఖరిపై తీవ్ర అసంతృప్తి వ్యక్తం చేసిన ఎమ్మెల్యే జారే ఆదినారాయణ, తక్షణమే అక్కడికక్కడే చర్యలకు ఉపక్రమించారు. క్లాస్ రూమ్ నుంచే జిల్లా విద్యాశాఖాధికారి డీఈవో కి ఫోన్ చేశారు. పాఠశాలలో పిల్లల చదువుల పరిస్థితిని వివరించి తీవ్ర ఆగ్రహం వ్యక్తం చేశారు. విధుల్లో నిర్లక్ష్యంగా వ్యవహరిస్తూ పిల్లల జీవితాలతో ఆడుకుంటున్న బాధ్యులైన ఉపాధ్యాయులపై వెంటనే కఠినమైన శాఖాపరమైన చర్యలు తీసుకోవాలని ఫోన్ లైన్లోనే స్పష్టమైన ఆదేశాలు జారీ చేశారు.ఈ ఘటన స్థానికంగా విద్యా వ్యవస్థలో ఉన్న లోపాలను ఎత్తిచూపడమే కాకుండా, నియోజకవర్గవ్యాప్తంగా తీవ్ర సంచలనంగా మారింది.
Read Also: https://site.singidinews.com/kgbv-girls-safety-midnight-incident/
