- పుట్టగొడుగుల్లా పుట్టుకొస్తున్న డీలర్లు..
- విత్తనాల విక్రయాల్లో భారీగా సొమ్ము చేసుకుంటున్నారంటూ రైతుల ఆరోపణలు
- గుట్టుచప్పుడు కాకుండా వ్యాపారం సాగుతోందన్న చర్చ..
- అధికారుల పర్యవేక్షణపై ప్రశ్నలు
రేవల్లి, సెప్టెంబర్ 20 (సింగిడి): Revalli Seed Dealers ఆగడాలు రోజురోజుకూ పెరిగిపోతున్నాయని అంతా చర్చించుకుంటున్నారు. రేవల్లి మండల కేంద్రంతో పాటు వివిధ గ్రామాల్లో ఫర్టిలైజర్, విత్తనాల దుకాణాలు పెరుగుతున్నప్పటికీ వాటిపై వ్యవసాయ శాఖ అధికారుల తనిఖీలు ఆశించిన స్థాయిలో లేవన్న ఆరోపణలు వినిపిస్తున్నాయి. సాగు సీజన్లో రైతులు విత్తనాలు, ఎరువుల కోసం ఆయా దుకాణాలపై ఆధారపడుతున్న నేపథ్యంలో విక్రయాలపై పూర్తిస్థాయి పర్యవేక్షణ అవసరమని రైతులు కోరుతున్నారు.కొంతమంది డీలర్లు విత్తనాల విక్రయాల ద్వారా రైతుల నుంచి భారీగా సొమ్ము చేసుకుంటున్నారన్న ఆరోపణలు ఉన్నాయి. నకిలీ లేదా నాసిరకం విత్తనాలు విక్రయిస్తున్నారా? నిర్ణీత ధరల కంటే అధికంగా వసూలు చేస్తున్నారా? ప్రతి రైతుకు బిల్లు ఇస్తున్నారా? అనే అనుమానాలు వ్యక్తమవుతున్నాయి. అయితే ఈ ఆరోపణలకు సంబంధించి ఇప్పటివరకు అధికారికంగా ఎలాంటి నిర్ధారణ వెలువడలేదు. దీంతో Revalli Seed Dealers ఆగడాలు శృతి మించుతున్నాయనే ఆరోపణలు వినవస్తున్నాయి.
అనర్హత వేటుపై సుప్రీం కోర్టుకు దానం నాగేందర్: https://whatsapp.com/channel/0029Vb8cjPLDuMRe4oW2W02i
Revalli Seed Dealersపై తనిఖీలేడ మహాప్రభో..
గుట్టుచప్పుడు కాకుండా ఈ వ్యాపారం కొనసాగుతోందన్న చర్చ స్థానికంగా వినిపిస్తున్నప్పటికీ వాస్తవ పరిస్థితి అధికారుల తనిఖీలతోనే తేలాల్సి ఉంది.ఇలాంటి పరిస్థితుల్లో మండల కేంద్రంతో పాటు వివిధ గ్రామాల్లోని దుకాణాల్లో అధికారులు ఆకస్మిక తనిఖీలు నిర్వహించి డీలర్ల లైసెన్సులు, వాస్తవ స్టాక్, స్టాక్ రిజిస్టర్లు, రైతులకు ఇస్తున్న బిల్లులు, విత్తనాల ధరలు పరిశీలించాల్సి ఉంది. అలాగే విత్తన ప్యాకెట్లపై కంపెనీ పేరు, బ్యాచ్/లాట్ నంబర్, గడువు తేదీ, మొలక శాతం, ధర, ప్యాకింగ్ వివరాలు సక్రమంగా ఉన్నాయా లేదా చూడాలి. అనుమానం ఉన్న విత్తనాల నమూనాలను సేకరించి నాణ్యత పరీక్షలకు పంపడంతో పాటు ఎరువుల స్టాక్, ధరలు, రికార్డులు, విక్రయ విధానాన్ని కూడా పరిశీలించాలని రైతులు కోరుతున్నారు.రైతులకు బిల్లులు ఇవ్వకుండా విక్రయాలు జరుగుతున్నాయా? నిర్ణీత ధరల కంటే ఎక్కువ వసూలు చేస్తున్నారా? ఒక ఉత్పత్తితో పాటు మరో ఉత్పత్తిని తప్పనిసరిగా కొనాలని రైతులపై ఒత్తిడి చేస్తున్నారా? అనే అంశాలపై కూడా అధికారులు దృష్టి సారించాలని పలువురు కోరుతున్నారు. కేవలం మండల కేంద్రంలోని దుకాణాలకే పరిమితం కాకుండా మారుమూల గ్రామాల్లోని షాపుల్లోనూ తనిఖీలు చేపట్టాలని అంటున్నారు.
పోలీసు గణనాథుని నిమజ్జనం చూడండి: https://site.singidinews.com/wanaparthy-police-ganesh-immersion/
ఇంత జరుగుతున్నా అధికార యంత్రాంగం ఎందుకు ప్రత్యేక తనిఖీలు నిర్వహించడం లేదన్న ప్రశ్న పలువురిలో వ్యక్తమవుతోంది. దేశానికి అన్నం పెట్టే రైతన్నకు విత్తనాల విషయంలో అన్యాయం జరిగితే బాధ్యత ఎవరిది? అని రైతులు ప్రశ్నిస్తున్నారు. ఆరోపణల్లో వాస్తవం ఉంటే బాధ్యులపై చర్యలు తీసుకోవడంతో పాటు, ఆరోపణలు అవాస్తవమైతే తనిఖీల ద్వారా రైతుల అనుమానాలను నివృత్తి చేయాలని కోరుతున్నారు. రైతుల ప్రయోజనాలను కాపాడేందుకు అధికారులు ఇప్పటికైనా క్షేత్రస్థాయిలో తనిఖీలు ముమ్మరం చేస్తారా అన్నది వేచి చూడాల్సి ఉంది.
